Түлкібас ауданы Төтенше жағдайлар басқармасы және №2 мамандандырылған өрт сөндіру бөлімі қызметкерлерімен жылыту маусымындағы өрттің алдын алу және адамдардың қаза табуы мен жарақаттануының алдын алу және жою мақсатында Түлкібас ауданы, Шақпақ баба ауылы №114 разъезд елді мекендеріндегі жеке тұрғын үйлерге рейд жұмыстары жүргізілді.
Рейд жүргізу барысында 60 тұрғын үй аралап тұрғындарға тұрмыста өрт қауіпсіздігі ережелерін сақтау жөнінде 142 дана ескертпе парақшалары таратылып, қатты отынмен және табиғи газбен жылытылатын үйлердің тұрғындарына жылу жабдықтарына қойылатын талаптар, электр желілері мен электр жабдықтарының жай-күйі туралы түсіндірілді.
Айта кету керек, анықталған өрт қауіпсіздігі бұзушылықтары бойынша түсіндірме жасалып, орнында 25 бұзушылықтар орындалды.
Қайғылы жағдайларға тап болмас үшін тұрғын үйлерде газбен жабдықтау құрылғыларын пайдаланудың негізгі талаптары мен ережелерін қатаң сақтау қажет.
Газ құрылғыларының, түтін мұржаларының және желдетудің қалыпты жұмысын бақылаңыз, қосу алдында және газ құрылғыларын пайдалану кезінде түтін құбырына газ жану өнімдерін тексеріңіз.
Газ плитасын жағу алдында бөлмені желдету керек, терезені пешпен жұмыс істеудің барлық уақытында ашық қалдыру керек.
Оттықтың барлық саңылауларында жалын жанып тұруы керек, түтін тілдері жоқ көкшіл-күлгін түсті болуы керек. Егер жалын түтін болса – газ толығымен жанып кетпесе, арнайы мамандарды шақыру арқылы ауа беруді реттеу қажет.
Бөлмеде газдың иісі болса, электр құрылғыларын қосуға немесе өшіруге болмайды, өйткені екі жағдайда да электр ұшқындары пайда болады, бұл газдың жарылуына әкелуі мүмкін. От жақпаңыз, темекі шекпеңіз, электр шамдарын қоспаңыз немесе өшірмеңіз. Газ құбырын жауып, бөлмені желдетіңіз.
Газ құбырының, газ клапандарының, газ құрылғыларының дұрыс жұмыс істемеуі анықталса, дереу төтенше жағдайлар қызметіне хабарласып (112 нөмірі), мүмкіндігінше үйіңіздің тұрғындарын эвакуациялауыңыз керек. Кіре берісте газдың иісі сезілсе де солай істеу керек.
Қосылған газ құрылғысын (пешті, су жылытқышты) қараусыз қалдырмаңыз: егер газдың қысымы уақытша әлсіресе немесе қатты тартылса, жалын өшеді, ал оның салдарынан газ бөлмеге тарайды.
Жуылған киімді газ плитасының үстінде кептірмеңіз.
Газ құбырлары мен газ жабдығын тексеруге және жөндеуге, газ шаруашылығының жұмыскерлеріне қызметтік куәліктерін көрсеткенде ғана пәтерге кіруге рұқсат беру керек.
Тексеру кезінде газ мамандары мыналарды орындауы керек:
– тұрғын үйлердің сору құбыры мен мұржасын тексеру;
– пештерге және су жылытқыштарға газ берудің тұрақтылығын тексеру;
– жабдықта газ беру тұрақтылығын орнату;
– құрылғылардың автоматты және электронды жұмысын тексеру.
