ӘРБІР АТА-АНАҒА БАЛАЛАРЫ АМАНАТ БОЛЫП САНАЛАДЫ

Бүгін Шымкент қаласы бойынша өкілдігі, орталық «Halifa al-Nahaian Aqmeshiti» мешітінде Исламдағы аманат ұғымы тақырыбын негізге алып, жұма намазында «Алимент төле, әкетай!» атты уағыз жүргізілді. Бұл туралы ҚМДБ-ның Шымкент қаласы бойынша өкілдігінің баспасөз қызметі хабарлады.

Кезекті жұма уағызын жүргізген Шымкент қаласы бойынша өкіл имамы Бақтыбай қажы Бейсенбаев жиналған жамағатқа алимент төлеуден жалтарып жүрген борышкер әкелерге туған баласына қамқорлық таныту қажет екенін және балаларымызға дұрыс тәлім-тәрбие беруде осалдық танытпауды қадап айтты.

– Діни тұрғыда да әке – өз балалары үшін ақыретте Алланың алдында есеп бермек. Сонда қазір алимент төлемей қашып жүрген әкелер бұл дүниеде заң алдында, ал ақыретте Алланың алдында жауапты болмақ. Әрбір ата-анаға балалары аманат болып саналады, – деді өкіл имам Б.Қыдырбайұлы.

Айта кету керек, Шымкент қалалық прокуратурасымен бірлескен жұмыстар аясында 80 мешітте арнайы түсіндіру жұмыстары жүргізіліп, оған 85 мыңнан астам жамағат қатысты.

Пікір жазу

Э-пошта мекенжайыңыз жарияланбайды. Міндетті өрістер * таңбаланған