МЕМЛЕКЕТТІК ҚЫЗМЕТКЕ ОРНАЛАСҚАЛЫ ЖҮРГЕНДЕРГЕ ПАЙДАСЫ БАР

Бүгін ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Маңғыстау облысы бойынша департаментінде «Ашық есік күні» өтті.

Айтулы күнге орай Департаменттің тыныс-тіршілігімен, бағыт-бағдарымен және атқаратын жұмыстарымен таныс болу үшін келгендер де аз болмады. Олардың ішінде өздерінің шағымдарымен, ұсыныс сұрақтарымен келген жастар көп болды. Атап айтқанда, тестілеу кезеңдері және мемлекеттік қызметке орналасу тәртібі бойынша сауалдарымен келген, сонымен қатар, жастар практикасы бойынша мемлекеттік органдарда қызмет етіп жүрген бір топ мамандар келді.

Келушілерге департамент қызметкерлері өңіріміздегі мемлекеттік қызметшілердің факторлы-балдық шкала бойынша еңбекақы төлеудің жаңа жүйесі, мемлекеттік қызметшілерге арналған тестілеудің кезеңдеріндегі жеке қасиеттерін бағалаудың жаңа шарттарын арнайы әзірленген парақшалар арқылы түсіндіріп, мемлекеттік қызмет саласына еніп жатқан жаңалықтармен бөлісті.

Департаменттің мемлекеттік көрсетілетін қызметтер басқармасының басшысы Жасұлан Маршакұлы келушілерге өзіне-өзі қызмет көрсету мен электронды қызмет алу түрлерін және қазіргі таңда іске қосылған «Цифрлық агент» мобильдік қосымшасының тиімділігін түсіндірді.

Сөз соңында департамент басшысы Нұргүл Алмасқызы жастарға қазіргі заман ағымына сай, болашаққа нық сеніммен нақты мақсат қойып, өздеріне деген сенімділіктің жоғары болу керектігін айтты. Келушілер департамент ұжымына алғыстарын білдіріп, сұрақтарына толықтай жауап алғандарын жеткізді.

– Бұл ұйымдастырылған «Ашық есік күні» жастарға, біздерге жақсы әсер қалдырды деп ойлаймын. Себебі сұрақтарымыз, түсінбеген тұстарымыз көп болады. Мемлекеттік қызметке енді орналасқалы жүрген, еңбек шартымен немесе жастар практикасымен жүргендерге пайдасы бар. Шара қызық әрі бізге ұнады, – дейді Жақсылық Әбубәкір. Қазір ол Маңғыстау облыстық Мемлекеттік кірістер департаментінде еңбек шартымен қызмет етеді.

ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Маңғыстау облысы бойынша департаментінің баспасөз қызметі

Пікір жазу

Э-пошта мекенжайыңыз жарияланбайды. Міндетті өрістер * таңбаланған