Ордабасы ауданының Төтенше жағдайлар бөлімі қызметкерлері және №8 өрт сөндіру бөлімі, 102, 103 қызметкерлері, Ордабасы ауданының әкімдігі және Жастар орталығының еріктілерімен бірлесе отырып жылыту маусымына байланысты тұрғын-үй секторларын аралады. Ондағы мақсат – жылыту құралдарын пайдалану кезінде табиғи және улы газбен улану оқиғаларының алдын алу және тұрмыстық өрттерді болдырмау. Ордабасы ауданының тұрғындарына рейд жүргізу барысында үй иелеріне электр желілерін, пештерді пайдалануға байланысты бұзушылықтардың қаншалықты қауіпті екенін, сондай-ақ тұншықтырғыш және табиғи газбен улану оқиғаларының алдын алу шараларын түсіндіріп, Ордабасы ауданы Төтенше жағдайлар бөлімі жылыту маусымы кезеңінде қауіпсіздік ережелерін кезекті рет еске салады:
– Жылыту маусымы алдында пештің ақаулы жерлерін және жүйелерін жөндеп, үнемі бақылауда ұстау керек.
– Бірінші кезекте шатырдан өткен мұржа жүйесін мұқият тексеріп, саңылау бар жерлерді бітеу керек.
– Мұржаның ішкі жүйесін жиналған қоқыстан тазалап, ұдайы тексеріп тұру керек.
– Бұзылған электр құралдарды қолданбаңыз.
– Бір уақытта желіге екі немесе оданда көп электр құралдарын (шамдар, плиталар, үтіктер және тағы басқалар) қосуға болмайды.
Іс-шара барысында тұрғындарға Ордабасы ауданының Төтенше жағдайлар бөлімінің тарапынан шығарылған 2000 дана жаднамалар таратылды.
