ҚАУІПТІ ДӘРІ ЕНДІ САТЫЛМАЙТЫН БОЛДЫ

ҚР Денсаулық сақтау министрлігінің Фармация комитетінде ағымдағы жылдың 12 ақпанында «Les Laboratoires Servier, Франция» компаниясынан ақпарат келіп түсуіне байланысты, клиникаға дейінгі зерттеулер (жануарларға жүргізілген) және «Эреспал» (ХПА – фенспирид) препаратын қолдануды тоқтату туралы француздық реттеу органының (ANSM) шешімі бойынша 2019 жылғы 13 ақпанда жоғарыда атап көрсетілген препараттың тіркеу куәлігін қайтарып алу шешімі қабылдады. Бұл туралы ҚР Денсаулық сақтау министрлігі хабарлады.

«Эреспал» – бұл респираторлық жүйені және тыныс алу жолдарының ауруларын емдеуге арналған дәрілік зат. «Эреспал» қабылдайтын пациенттер үшін жүрек ырғағы бұзылуларының аздаған даму қаупі бар. Жағымсыз реакцияны қадағалау жағдайларында пациенттерге, қажет болғанда, баламалы ем тағайындаған немесе осы препаратты қабылдауды тоқтату шешімін қабылдаған емдеуші дәрігермен кеңесу керек.

Осы орайда, дәрі-дәрмектен болатын жағымсыз реакциялар жағдайларында пациенттер емдеуші дәрігермен бірге сары карта-хабарлама толтырып, ДЗҰСО ресми веб-сайты (www.ndda.kz) арқылы хабарлауына болады.

Айта кетейік, бұған дейін адам жүрегін тоқтататын дәрінің Қазақстан дәріханаларында еркін сатылып жатқанын жергілікті бұқаралық ақпарат құралдары хабарлаған болатын. Қуанышымызға орай, «Дәрілік заттарды, медициналық мақсаттағы бұйымдарды және медицина техникасын ұлттық сараптау орталығы» Қазақстанда «Эреспал» препараты туғызған жағымсыз реакциялардың бірде-бір жағдайы тіркелмегенін мәлімдеді.

Пікір жазу

Э-пошта мекенжайыңыз жарияланбайды. Міндетті өрістер * таңбаланған