ЖЕТІСАЙДА КӨПБАЛАЛЫ АНАЛАР ӘУЛЕТІ ДАУЫС БЕРДІ

Жетісай ауданына қарасты Жылы су ауылдық округіндегі №220 сайлау учаскесіне Сүттібаевтар әулетінің анасы 75 немере мен 30-ға тарта шөберенің, 8 шөпшектің әжесі Зәуре Сейдімбекқызы келін-қыздарымен келіп өз таңдауларын жасады. Бұл туралы Түркістан облысының Өңірлік коммуникациялар қызметі хабарлады.

14 жасында осы әулетке келін болып түскен апамыз 13 перзентті өмірге алып келген. Әулеттің ерекшелігі – Зәуре апаның қыздары да, келіндері де көпбалалы ана. Әр отбасында 6-7 перзенттен бар.

ЖЕТІСАЙДА КӨПБАЛАЛЫ АНАЛАР ӘУЛЕТІ ДАУЫС БЕРДІ

«Бүгін міне келіндеріммен бірге келіп, өзіміз таңдаған үміткерлерге дауыс беріп жатырмыз. Барлығы әділетті, заңды түрде өткізіліп жатыр. Тіпті аудандағы алғашқы келген сайлаушыларға сыйлықтар да үлестіріліп жатыр екен. Осы күніме шүкір тәуба деймін. Бүгін осы ұрпағымның жарқын болашағы үшін келіндерімді, қыздарымды ертіп келіп таңдауымызды жасадық» дейді батыр ана.

Айта кетейік Жетісай ауданы бойынша 16 498 көп балалы аналар болса, оның 18 жасқа дейінгі 4 және одан көп баласы бар аналар 8160. Батыр аналардың саны 369, «Алтын алқа» 1686, «Күміс алқа» 5537, І, ІІ дәрежелі «Ана Даңқы» ордендерімен марапатталғандар 746-ны құрап отыр.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған