Түркістан қаласында ҚР Мәдениет және ақпарат министрлігінің қолдауымен Қазақстан халқы Ассамблеясының тарихи-ағартушылық бағыттағы «Бір ел» атты жастарға арналған шара өтті.
Аталған жоба екінші жыл қатарынан ұйымдастырылуда. Жобаға еліміздің барлық өңірінен 100-ге жуық жас келген. Шараның ашылуында сөз алған облыс әкімінің орынбасары Ермек Кенжеханұлы бастаманың жастарды ұлттық құндылықтармен тәрбиелеуге зор септігін тигізетінін айтты. Сондай-ақ, шараға ҚР Парламенті депутаттары Алишер Сатвалдиев, Геннадий Шиповских, Наталья Дементьева, ҚР Мәдениет және ақпарат министрілігінің, этномәдени бірлестіктердің, «Ассамблея жастары» РҚБ республикалық жастар ұйымдарының өкілдері, еріктілер, шалғайдағы ауылдық елді мекендерде тұратын әр түрлі санаттағы жастар қатысты.
Айта кетейік, «Бір ел» жастар жобасы барысында пленарлық отырыс, пікірталастар, интеллектуалды ойындар өткізіледі.
Түркістан облысының Өңірлік коммуникациялар қызметі
