Қытайдың Харбин қаласында өтіп жатқан ІХ Қысқы Азия ойындарында Қазақстан құрамасы қоржынға екінші алтын медальды салды.
Фристайл-акробатикадан ерлер құрамасы командалық сайыста жеңімпаз атанды. Бұл сында Шерзод Хаширбаев пен Роман Иванов сынға түскен болатын.
Шымкент қаласының спортшысы Шерзод Хаширбаев жұптық сайыста 97.92 ұпай жинап, тарихи нәтижеге қол жеткізді. Бұл Қазақстан фристайл-акробатика тарихындағы ерлер арасындағы алғашқы алтын жүлде болды.
Айта кетейік, бұған дейін алғашқы алтынды шорт-трекші ерлер құрамасы салған еді. Әзірге қоржынға түскен қос алтынның да тарихи орны ерекше. Себебі, бұған дейін жерлестеріміз Азия ойындарында бұл спорт түрлерінен жеңімпаз атанып көрмеген.