Түркістан облысы аумағында ағымдағы жылдың 6 қазан мен 6 қараша аралығында «Жаңа жол» акциясы аясында аудандық полиция бөлімінде есепте тұрған азаматтармен кездесу өтті. Бұл туралы Түркістан облысы полиция департаментінің баспасөз қызметі хабарлады.
Жиынға аудандық полиция бөлімінің Қоғамдық қауіпсіздік бөлімшесінің бастығы Қанат Ауелов пен «Мансап орталығының» бөлім басшысы Марат Исхахов қатысып, құқықтық тәртіп пен жұмыспен қамту мәселелері бойынша түсіндірме жүргізді.
Сондай-ақ азаматтарды жеке басын куәландыратын құжаттармен қамтамасыз ету, тіркеу және жұмыспен қамту қызметіне қою, оқыту мен жұмысқа орналастыруға жәрдемдесу, медициналық көмек көрсету, сондай-ақ әлеуметтік төлемдер, жәрдемақылар мен субсидиялар бойынша кеңес беру бағыттарында жұмыстар жүргізілуде.
Бұдан бөлек отбасылық байланыстарды қалпына келтіруге жәрдемдесу, қажет болған жағдайда психологқа немесе дағдарыс орталықтарына жолдау, тұрғын үй мәселелерін шешуге қолдау көрсету шаралары да қарастырылған. Кездесу нәтижесінде төрт азамат ұсынылған бос жұмыс орындарына өтініш қалдырды.