Бүгін «AMANAT» партиясы Қазығұрт аудандық филиалы Шарбұлақ бастауыш партия ұйымының (БПҰ) кезекті есеп беру жиналысы болып өтті. Күн тәртібінде БПҰ төрайымы Жансейтова Жанар Иманәліқызы 2024-2025 жылдар аралығында атқарған жұмыстары туралы есеп берді. Бұл туралы «AMANAT» партиясы Қазығұрт аудандық филиалы хабарлады.
Шарбұлақ БПҰ 8 партиялық ұйымға біріктірілген, олардың жалпы саны 230 партия мүшесін құрайды.
Жиналыс барысында партия қызметінің бірқатар өзекті бағыттары талқыланды: партия қатарына жаңа мүшелер қабылдау, мүшелік жарна жоспарының орындалуы, партиялық жобаларды жүзеге асыру, Мемлекет Басшысының Жолдауын халық арасында насихаттау және жол картасы индикаторларының орындалуын бақылау мәселелеріне ерекше назар аударылды.
Іс-шараға «AMANAT» партиясы Қазығұрт аудандық филиалының төрағасы Исақұлов Есімхан Ешенқұлұлы, аудандық мәслихат депутаттары, фракция мүшелері Мауленов Мақсатбай Арапбайұлы мен Архабаев Жақсылық Алиханұлы, сондай-ақ Шарбұлақ БПҰ төрайымы Жансейтова Жанар Иманәліқызы, топтық ұйым басшылары мен партия мүшелері қатысты.
Жиналыс нәтижесінде ұйымның алдағы кезеңге арналған негізгі міндеттері айқындалды.