Күннің кез келген уақыты, ауа райының қандай болуына қарамастан — Түркістан облысының көліктік бақылау инспекторлары қызметте. Олардың міндеті — тек құжатты тексеру емес, қателіктің бағасы адам өмірі болатын жерде тәртіпті сақтау. Бұл туралы Түркістан облысы бойынша көліктік бақылау инспекциясы хабарлады.
Көлік министрлігінің тапсырмасы мен 2023–2027 жылдарға арналған Жол картасы аясында рейдтік шаралар облыс көлемінде өткізілуде. Инспекторлар полиция қызметкерлерімен бірлесіп, заңсыз жолаушылар тасымалын, әсіресе оң рульді көліктерді пайдалануды анықтап, жүргізушілердің еңбек және демалыс режимін қадағалайды, ұсақ құқықбұзушылықтардың өзіне назар аударады.
Әрбір тексеріс — жол-көлік оқиғаларының алдын алу мен жолдағы тәртіпті нығайтуға бағытталған үлкен істің бір бөлігі.
Мақсат бір — Түркістан облысының жолдарында тәртіп пен қауіпсіздік орнату.