Қазақстан Республикасы Төтенше жағдайлар органдарының 30 жылдығына орай жүзеге асырылып жатқан «30 жылдыққа – 30 игі іс-шара» аясында Қазығұрт ауданы Төтенше жағдайлар бөлімі өрт сөндіру мамандығын оқушыларға үлгі ету мақсатында танымдық іс-шара ұйымдастырды. Бұл туралы Түркістан облысы Төтенше жағдайлар департаменті хабарлады.
Іс-шара барысында оқушыларға:
- Өрт сөндіру қызметінің құрылуы мен 30 жылдық тарихы таныстырылды;
- Арнайы өрт сөндіру техникасы мен құрал-жабдықтары көрсетілді;
- Қызметкерлердің ерлікке толы еңбегі мен қоғамдағы маңызы түсіндірілді;
- Өрт қауіпсіздігі ережелері мен төтенше жағдай кезіндегі дұрыс әрекеттер үйретілді.
Оқушыларға өрт сөндірушілердің арнайы киімдерін киіп көру, техникаға отырып тәжірибе жасау мүмкіндігі берілді.
Бұл іс-шара жас ұрпақтың бойында қауіпсіздік мәдениетін қалыптастыруға, патриоттық сезімін арттыруға және өрт сөндіруші мамандығына деген құрметті нығайтуға бағытталды.