Түркістан облысы Полиция департаменті бастығының нұсқауына сәйкес, өңір көлемінде “Борышкер” жедел-профилактикалық іс-шарасы жүргізілуде. Шара аясында Түркістан қалалық Полиция басқармасының қызметкерлері азаматтардың әкімшілік айыппұлдары мен өзге де берешектерін өндіру бағытында рейдтік іс-шаралар өткізуде. Бұл туралы Түркістан облысы полиция департаментінің баспасөз қызметі хабарлады.
Тәртіп сақшылары борышкерлерге заң талаптарын түсіндіріп, айыппұлдарды өз уақытында өтеудің маңыздылығын жеткізді. Сонымен қатар іс-шара барысында 1500-ге жуық жүргізушімен профилактикалық әңгімелер жүргізіліп, 750-ге жуық әкімшілік құқықбұзушылық жайты анықталып, заң талаптарына сәйкес шара қабылданды.
Аталған іс-шараның басты мақсаты – азаматтардың заң алдындағы жауапкершілігін арттыру, құқықтық мәдениетті қалыптастыру және қоғамда заңға бағынушылық қағидатын нығайту болып табылады.
Түркістан қалалық Полиция басқармасы тұрғындарды заң талаптарын сақтауға және өз міндеттеріне жауапкершілікпен қарауға шақырады.