Арыс қаласының қос бірдей спортшысы ашық «Strong Generation» Еуропа кубогында армрестлинг және күштік спорт түрлерінен жеңіс тұғырынан көрініп, алтын медаль иеленді. Бұл туралы Түркістан облысының Өңірлік коммуникациялар қызметі хабарлады.
Бұл айтулы жарыс Еуропаның ең беделді спорт додаларының бірі болып саналады және көптеген елдерден келген мықты спортшылардың басын қосады.
Арыстың намысын 75 келіде қорғаған Нұрсұлтан Сапаров пен 85 келіде сынға түскен Нұрхат Қалдарбек армрестлинг бойынша үздік нәтиже көрсетіп, ел намысын асқақтатты.
Айта кетейік, қос спортшы Арыс қаласындағы «Qazaq GYM» спорт залының спортшылары.