Таиландтың Чиангмай қаласында бокстан өтіп жатқан Азия чемпионатында Қазақстан әйелдер құрамасының көрсеткіші ақтық сынға дейін көңіл көншіте қоймаған. Бокстағы нәтижемізді көршіміз өзбек ағайындардың жетістігімен салыстыра отырып бағалайтынымыз жасырын емес. Финалға Өзбекстан құрамасынан 7 боксшы шыққанда, басты бәсекелес саналатын оларға жеңілген қыздарымыздың өнері төмен бағаланған-ды.
Қыздарымызды ерте сынап тастаған сияқтымыз. Бәлкім сол сыннан сабақ шығарды ме екен?! Әйтеуір ақтық сында нәзікжандыларымыздың бірі де сүрінген жоқ. Нәтижесінде қазақстандық боксшы қыздар 5 алтын, 5 қола медаль иемденді.
Өзбекстан құрамасына финалда 3 алтын, 4 күміс (қоржында 2 қоласы бар) бұйырды. Үздік үштікті 3 алтын, 1 күміс, 2 қола жеңіп алған Таиланд командасы түйіндеді.
Мирас ӘСЕМ.