Желтоқсан 12-і күні сағат 20:30-да Алматы қаласының Орталық стадионында UEFA Конференция лигасы аясында «Астана» лондондық «Челси» командасын қабылдайды. Бұл ойынның төңірегінде қауесет көп. Тіпті кездесу кейінге қалатыны жайында да ақпарат тараған-ды.
Ойынның кейінгі қалдырудың басты себебі – Ұлыбританиядағы Дарра дауылы. Нақ осы дауылдың салдарынан бір ойындар кейінге шегерілгені де белгілі. Алайда бүгінде ол дауылдың Алматыдағы ойынның өтуіне кедергі келтірмейтіні анық. «Челси» ойыншылары Қазақстанға түнгі сағат 02:00 шамасында келеді деп күтілуде.
Айтпақшы, бұл ойынға билет іздеушілерге құлаққағыс: тек ресми сауда орындарына ғана сенген жөн. Алыпсатарларға алданып қалсаңыз, билетіңіз қолыңызда болса да стадионға кіре алмай қалуыңыз мүмкін. Себебі бұндай танымал клубтар елімізге келгенде пайда табуды ойлайтындардың бір билетті бірнеше адамға сату фактілері жиі кездеседі.