Есірткі адам ағзасын уландырып, өмірлік маңызды органдардың жұмысын бұзады. Мысалы, героин жүрек пен өкпені зақымдап, гепатит пен ВИЧ жұқтыру қаупін арттырады. Амфетаминдер жүйке жүйесін әлсіретіп, инфаркт пен инсульт қаупін күшейтеді. Бұл туралы Шымкент қаласының өңірлік коммуникациялар қызметі хабарлады.
Нашақорлық мидың химиялық тепе-теңдігін бұзып, депрессия, галлюцинация және шизофрения сияқты психикалық ауруларға әкеледі. Дүниежүзілік денсаулық сақтау ұйымының мәліметінше, нашақорлардың 70%-дан астамы психикалық бұзылыстарға ұшырайды.
Нашақорлық қылмыстың көбеюіне, отбасылардың күйреуіне және экономикалық шығындардың артуына әкеледі. Сонымен қатар, нашақорлық еңбекке жарамды жастардың азаюына себепші болып, елдің әлеуметтік-экономикалық дамуына үлкен кедергі келтіреді.