2025 жылдың алғашқы бес айының қорытындысымен Түркістан облысы экономикалық өсім қарқыны бойынша елімізде көш бастады. Өсім көрсеткіші 120,4%-ды құрап, өңірдің барлық негізгі салаларында оң динамика байқалды. Бұл туралы Түркістан облысының Өңірлік коммуникациялар қызметі хабарлады.
Экономиканың негізгі секторларындағы көрсеткіштер:
— Өнеркәсіп өндірісі көлемі – 593 млрд. теңге (+14,8%);
— Ауыл шаруашылығы – 194,3 млрд. теңге (+6,3%);
— Құрылыс жұмыстары – 117,4 млрд. теңге;
— Сауда айналымы – 269,7 млрд. теңге;
— Көлік және логистика саласы – 209,3 млрд. теңге;
— Байланыс қызметтері – 4,9 млрд. теңге;
— Пайдалануға берілген тұрғын үйлер көлемі – 306,1 мың шаршы метр.
Бұл көрсеткіштер Түркістан облысының экономикасы әртараптанып, бірқатар салаларда тұрақты және қарқынды даму жолына түскенін көрсетеді.