Бүгін Төлеби аудандық мәслихатындағы «AMANAT» партиясы фракциясының кезекті отырысы өтті. Жиынға мәслихат төрағасы Нұрлан Хамзаұлы Қойбағаров, аудандық филиалдың атқарушы хатшысы ретінде өзім – Шырынбек Оңғаров, сондай-ақ фракция жетекшісі Ерболат Кошербайулы Жабаев пен фракция мүшелері мен “Ауыл” партиясынан сайланған депутаттар қатысты. Бұл туралы «AMANAT» партиясының Төлеби аудандық филиалы хабарлады.
Күн тәртібінде бірқатар маңызды мәселелер қаралды:
– Сайлауалды жол картасының орындалу барысы;
– Бастауыш партия ұйымдарының белсенділігі;
– Депутаттық этика мен әлеуметтік желідегі жұмыстың тиімділігі;
– Депутаттық сауалдардың пәрменділігі мен өзекті әлеуметтік проблемалар.
Отырыста көтерілген мәселелер нақты. Мысалы:
Кейбір елді мекендер таза ауыз суға толық қол жеткізе алмай отыр;
Электр тапшылығы кәсіпкерлік нысандарды іске қосуға кедергі келтіруде;
Зертас ауыл округіндегі спорт кешені қаржының жоқтығынан тоқтап тұр;
Жер телімі мен тұрғын үй кезегінде тұрғандар саны артуда;
Әлеуметтік тұрғын үйдің жетіспеушілігі өте өзекті.
Бұл мәселелерді тек тізіп қою – жеткіліксіз. Сол себепті фракция тарапынан нақты ұсыныстар әзірленіп, құзырлы органдарға жолдау туралы шешім қабылданды.
Фракция жетекшісі Ербол Жабаев депутаттарды халықпен тығыз байланыста болуға, әлеуметтік желілер арқылы кері байланысты жандандыруға шақырды.
Біз – ел үмітін арқалаған халық қалаулыларымыз. Қарапайым тұрғынның мұңын тыңдап, оны жүйелі түрде көтеру – фракция жұмысының басты міндеті.
«AMANAT» – халық пен билік арасындағы сенімді көпір. Ал сол көпірдің тірегі – нақты іс, шынайы жауапкершілік.