Түркістан облысы Төтенше жағдайлар департаменті «Өрт сөндіру және авариялық-құтқару жұмыстары қызметі» мемлекеттік мекемесінің офицерлік құрамының өрт сөндіру және авариялық-құтқару, сондай-ақ, кезек күттірмейтін жұмыстарды дер кезінде ауыздықтау, шапшаң әрі тез орындауға машықтандыру деңгейін арттыру мақсатында, Жаңа қала мөлтек ауданында жаңадан соғылып жатқан 18 қабатты ғимаратта жоспардан тыс оқу-жаттығу жиыны өткізілді.
Оқу-жаттығу жиыны барысында құрылыс объектілерінде аса кең таралған себептерден болған өрттер мен тұтанулар талданды. Сондай-ақ:
– Электр желілерін, электр жабдығын, электрмен жылыту және электрлі жарық беру құралдарын пайдаланудағы өрт қауіпсіздігі шаралары;
– Электрлік асырмалы жүктемелердің, қысқа тұйықталулардың, күрделі ауыспалы қарсылықтардың мәні мен пайда болу себептері;
– Қыздыру шамдарының өрт қауіптілігі;
– Электр құрылғыларын қысқа тұйықталу және асырмалы жүктемелерден қорғау шаралары;
– Автоматты және иілмелі сақтандырғыштар. Жылыту және қыздыру құралдарын, желдеткіш құрылғыларын пайдалану кезіндегі өрт қауіпсіздігі шаралары;
– Отпен жұмыстар жүргізгенде, ашық отты қолдану кезіндегі өрт қауіпсіздігі шаралары;
– Жаңа құрылыстар мен реконструкцияланып жатқан объектілердегі өрт қауіпсіздігі ерекшеліктері;
– Құрылыс алаңдарын ұстау (орман материалдарын, ағаш қалдықтарын сақтау тәртібі, уақытша қызметтік, тұрмыстық, қойма, және басқа үй-жайларды орналастыру);
– Тұрмыстық үй-жайларда, арнайы киім кептіргіштерінде және үй-жайларды кептіруге арналған уақытша пештерді, электр құрылғыларын, жылу генераторларын пайдалану кезінде өрт қауіпсіздігі;
– Құрылыс ағаштарына қойылатын талаптар;
– Ғимараттарға, құрылыстарға, су көздеріне, өрт сөндіру гидранттары аумақтарын, жолдарын, кіреберістерін ұстау және қатты, сұйық және газ тәрізді отында жұмыс істейтін пештерді, каминдерді, пайдаланғанда өрт сөндіру құралдарына жету, сондай-ақ ТТС жұмыс істеу;
– Эвакуациялау жолдарына өрт қауіпсіздігі ережелерінің талаптары пысықталды.
Жиынды өткізудегі басты мақсат — жеке құрамының өртті сөндіру кезіндегі тәжірибелік дағдыларын машықтау және тілсіз жаудың алдын алу болып табылады.