Жанкүйерлерін тең жеңісімін қуантып жүрген кәсіпқой боксшы Мадияр Ашкеев (10-0, 6 КО) өзінің кезекті жекпе-жегі жайлы хабарлады.
«Барлықтарыңызды Мейiрiм Нұрсұлтанов пен менiң қатысуыммен ɵтетiн кезектi бокс кешiнiң куəгерлерi болуға шақырамыз. Жекпе-жек 11 қаңтар күнi Калифорния штатының Санта Инес қаласында ɵтедi» делінген инстаграмм парақшасында.
Айта кетейік, Мадияр Ашкеев бірінші орта салмақта пуэрторикалық Луис Эрнандеспен (16-6, 9 КО) жұдырықтасады. Ал Мейірім Нұрсұлтанов америкалық Трэвис Скоттпен (19-4, 5 КО) сынға түспек. Екі кездесу де 8 раундқа жоспарланған.
Айта кетейік, қос жерлесіміз де бұған дейін жекпе-жектерін наурыз айында өткізген. Нью-Йорктегі Madison Square Garden-де өткен бокс кешінде Ашкеев алғашқы раундта доминикалық Хосе Антонио Абреуді техникалық нокаутпен жеңген еді. Сол күні Нұрсұлтановтың мексикалық қарсыласы Алехандро Торрес алтыншы раундта тізе бүккен болатын.
Мирас ӘСЕМ.