Бұл жөнінде белгілі тележүргізуші өзінің әлеуметтік парақшасында жариялады. Өз оқырмандарына «Арнайы менің оқырмандарым үшін 2019 жылы күшіне енер 19 өзгерісті 1 постқа жинап қойдым. Сақтап қойыңыздар» деген Ләйлә Сұлтанқызы ары қарай өзгерістер тізімін жариялаған.
«1. Ең төменгі жалақы 28 мыңнан 42 мыңға дейін өседі;
2.»Ішкі істер органдарын жаңғырту жөніндегі жол картасы» қабылданады;
- Мемлекеттік қызметтің 80 %-ы электронды форматта көрсетіледі;
- Алғашқы медициналық-санитарлық көмек көрсететін қызметкерлерді ынталандыру үшін учаскелік медицина қызметкерлерінің жалақысы кезең-кезеңмен 20%-ға көбейеді;
5.1 қыркүйектен бастап 90 мың мұғалімнің жалақысы артады;
- Тіркелмеген sim-карталар істен шығарылады;
- Жалақысы 25 АЕК-тен (63 125 теңге) төмен азаматтар үшін жеке кіріс салығы 10 есе төмендетіледі;
- 340 миллиард теңге қарызы бар 90 мың кәсіпкерге салық амнистиясы жүргізіледі;
- Әйелдердің зейнет жасы 59 жасқа дейін ұлғаяды;
- Мемлекеттік базалық зейнетақының ең төменгі көлемі – 16 037 теңге;
- Ең төменгі зейнетақы көлемі – 36 108 теңге;
- Жаңа жылдан бастап Қазақстанда энергетика саласы үшін жаңа тарифтік әдіснама енгізіледі, сөйтіп, электр жарығы мен тауарлық газ тарифтері төмендейді;
- 16 жасқа дейінгі балалардың шетелге шыққанда жеке төлқұжаты болуы міндетті;
- Техникалық төлқұжаттың жаңа үлгісі енгізіледі. Ол кредиттік карта көлемімен бірдей, чипі бар, жүргізуші куәлігі мен жеке куәлікке ұқсайды;
- Қазақстанда жаңа жылдан бастап автокөлік иелері үшін онлайн сақтандыру енгізіледі;
- Сақтандыру полисі жоқ жүргізушілерге айыппұл салынбайды;
- Еңбек кітапшалары электронды болады;
- Жаңа жылдан бастап темекі қымбаттайды;
- Күнкөріс минимумының шамасы – 29 698 теңге болады» делінген.
Фото: m.flip.kz
