ЕЛІМІЗДЕ ОРТАЛЫҚ АЗИЯДАҒЫ ЕҢ ІРІ ҚУАТЫ БАР КҮН ЭЛЕКТР СТАНЦИЯСЫ АШЫЛДЫ

«Қарағанды облысының өнеркәсіптік орталығында – Саран қаласында, Орталық Азиядағы ең ірі қуаты 100 МВт бар «SES Saran» күн электр станциясының салтанатты ашылу рәсімі өтті» деп хабарлайды ҚР Сыртқы істер министрлігінің ресми сайты.

Қысқа мерзімде іске асырылған жоба орталық және жергілікті билік органдарының Германия Федеративтік Республикасы, Чехия және Словакия Республикалары компанияларының тобымен, сондай-ақ Еуропа қайта құру және даму банкімен (ЕҚҚДБ) бірлескен жұмыстың нәтижесі болды.

Электр станциясының құрылысы барысында жергілікті мазмұнға, оның ішінде Сарандағы компаниялардан еңбек өнімді, бұйымдарды және құрылыс материалдарды тартуға ерекше назар аударылды. Сонымен қатар, жаңа электр станциясында жергілікті тұрғындар үшін жұмыс орындары ашылды.

Бұған дейін «Саран қаласында 100 МВт қуаты бар күн электр станциясын салу» жобасы «Астана ЭКСПО-2017» Халықаралық мамандандырылған көрмесі аясында таныстырылды.

Ашылу рәсіміне дейін тараптар 500 млн. АҚШ доллары құрайтын инвестицияларды кеңейтуді көздейтін «SES Saran» жобасын дамыту туралы меморандумға қол қойды.

Сонымен қатар, ресми ашылу рәсіміне Қазақстан Республикасы Сыртқы істер министрлігінің өкілдері қатысып, Саран, Қарағанды облысы және герман «Goldbek Solar» компаниясының басшылығымен келіссөздер өткізді. Келіссөздердің нәтижелері бойынша еуропалық инвесторлардың қатысуымен аймақтық жобаларды ілгерілетуде және олардың технологияларын тартуға экономикалық дипломатияны одан әрі дамыту туралы келісімдерге қол жеткізілді.

Пікір жазу

Э-пошта мекенжайыңыз жарияланбайды. Міндетті өрістер * таңбаланған