Өмірзақ ШӨКЕЕВ: «КӘСІПКЕРЛЕР КӨМЕКСІЗ ҚАЛМАЙДЫ»

Түркістан облысының әкімі Өмірзақ Шөкеев Жетісайдағы өртенген «Күлпаршын» базарына барып жағдаймен танысты. Базар иесімен кездесіп, әкімдік тарапынан қолдау болатынын айтты. Бұл туралы Түркістан облысы өңірлік коммуникация қызметі хабарлады.

– Ешкім көмексіз қалмайды. Базар әкімдігі кәсіпкерлермен келіссөз жүргізіп, жанған тауар шығынын заң аясында өтеу керек. Бірінші мәселе, базарды қалпына келтіріп, тездетіп іске қосу қажет. Ол үшін жақын маңдағы аудандардан бригадалар алдырамыз. Әр секторға жөнделетін базар қатары бекітіледі. Әр павильонды 6-7 топқа бөліп, кәсіпкерлер мәселесін оңтайлы шешуді қадағалаймыз, – деді өңір басшысы.

Қазіргі таңда зардап шеккен кәсіпкерлерді басқа сауда орындарына уақытша  орналастыру бойынша «Қарақай» сауда базарына және «Күлпаршын» базарының өрт шалмаған орындарына жайғастыру жұмыстары жүргізілуде.

MIXNEWS.KZ

Пікір үстеу

Э-пошта мекенжайыңыз жарияланбайды. Міндетті өрістер * таңбаланған