Қазығұрт ауданы аумағында жылу беру маусымында өрт қауіпсіздігі ережелерін сақтамау, адамдардың улы газбен улану мен жарақаттануларын алдын алу бойынша Қазығұрт ауданының төтенше жағдайлар бөлімі және Қазығұрт ауданындағы №28 өрт сөндіру бекеті қызметкерлерімен Қазығұрт ауданы Қ.Абдалиев ауыл округіндегі 264 тұрғын үйлерді аралап, 996 адамға өрт қауіпсіздік ережелері туралы түсіндіріліп жадынамалар таратылып берілді.
Тұрғындарға төмендегі өрт қауіпсіздік ережелерін сақтау ұсынылды:
– Үйлерде пештерін тексеруін және жөндеуін жылу беру мерзіміне дейін өткізу;
– Жылу беру мерзімінің басында және де 2 айда 1 рет барлық жылу мезгілінде пештерді және мұржаларды күйеден тазалау қажет;
– Шатырдың астындағы барлық түтін өтетін арналардағы дуалдарды және үйдің мұржасын әктеп шығу қажет;
– Ауа тазартқыш және газ арналарын мұржа қылып қолдануға болмайды;
– Бөлмені ауамен тазарту, таза ауаға жиі шығу, қозғалтқышы істеп тұрған автокөлікте ұйықтамау қажет.
