Қазақстан Республикасы Ұлттық экономика министрлігінің Табиғи монополияларды реттеу комитетінің Түркістан облысы бойынша департаменті ағымдағы жылдың қаңтар айында 2021 жылғы тарифтік сметалардың орындалуы туралы есептерді талдау қорытындысы бойынша 4 монополист бойынша төмендетілген тарифтерді бекітті.
Тарифтердің төмендеуі монополистердің тарифтік сметада көзделген шығындар баптарын толық көлемде орындамағандығы анықталды, бұл негізсіз кіріс алуға әкеп соқты.
Осылайша, ағымдағы жылдың 1 наурызынан бастап тарифтер төмендетілетін болады:
- «Түркістан су» МКК-ның тұтынушыларына:
- суды таратушы желілер арқылы беру қызметіне 1000 теңге м3 үшін 77,17-ден 74,39 теңгеге дейін немесе (-3.6%) 8 924,72 мың теңге мөлшерінде;
- сарқынды суларды бұру қызметіне тарифті 1000 теңге м3 үшін 110,12-ден 105,38 теңгеге дейін немесе (-4.3%) 6 233,15 мыңтеңге мөлшерінде;
- «Түлкібас әк зауыты» ЖШС-ның тұтынушыларына бәсекелес кірме жолы болмаған жағдайда, жылжымалы құрамның өтуі үшін кірме жолды беру қызметіне тариф 1 902,88 ден 1 698,0 теңге/вагоно-км төмендеді (-10,76%) 383,29 мың теңге мөлшерінде;
- Арыс қаласының «Ауыл шаруашылығы бөлімі» мемлекеттік мекемесінің ШЖҚ «Арыс су шаруашылығы» МКК-ның тұтынушыларына суды арналар арқылы беру қызметіне тариф 1000 теңге м3 үшін 330,92 ден 139,35 дейін төмендеді (-57,89%) 4077,085 мың теңге мөлшерінде;
- «Кәусар-Сарыағаш» ЖШС-ның тұтынушыларына бәсекелес кірме жолы болмаған жағдайда, жылжымалы құрамның өтуі үшін кірме жолды беру қызметіне тариф 1 373,64 ден 920,45 теңге/вагоно-км төмендеді (-32,99%) 436,77 мың тенге көлемінде;
Монополистер негізсіз алған кірістің қайтарылатын жалпы сомасы 20 055,015 мың теңгені құрайды.
Бұл сома тұтынушыларға жоғарыда аталған монополистердің қызметтеріне тарифтерді төмендету жолымен қайтарылатын болады.
Тарифтерді төмендету туралы бұйрықтар 2023 жылғы 1 наурыздан бастап күшіне енгізіледі.
