Ордабасы ауданы Төтенше жағдайлар бөлімінің қызметкерлерімен бірге Жедел құтқару жасағының қызметкерлері «Тұрғын үйлердегі өрт қауіпсіздігі», «Улы газбен уланудың алдын алу» тақырыптарында М.Исламқұлов ЖОМ-не қауіпсіздігін қамтамасыз ету мақсатында, мектеп мұғалімдеріне түсіндірме жұмыстарын жүргізіп және мектеп ғимаратының ішіндегі өрт қауіпсіздік талаптарын сақтау туралы айтып, арнайы дайындалған жадынамалар таратты.
Сондай-ақ:
– Жеке меншіктегі үйлерде жылыту кезеңінің алдында және кейін 3 ай сайын түтіндіктер мен мұржаларды күйеден тазарту;
– Шатыр асты бөлмелердегі барлық түтін жолдары мен құбырларын жүйелі түрде тексеріп отыру қажеттігін;
– Пештерді қатты қыздыруға және қатты отынмен жағылатын пештерді жағу үшін бензин, керосин, басқа да тез жанатын сұйықтықтарды пайдалануға болмайтынын;
– Жылыту пешінің жанында ағаштарды, жанғыш заттарды, тез жанғыш сұйықтықтарды сақтауға, жағылған пештерді, керосин шамдарын, керогаздарды қараусыз қалдыруға және пештің жағылуын балаларға қарауды тапсыруға болмайтынын ескертіп, арнайы дайындалған жадынамалар таратылды.